Юрий Александрович Мишанин (1960)

Тяддень 30-це июньцта васьфтезе эсь 65 кизонь юбилеенц Мокшэрзянь народть Межрегиональнай общественнай организациянц председателец, Мордовия Республикань Правительствать видеса гуманитарнай наукань НИИ-ть директоронц заместителец, филологическяй наукань докторсь, профессорсь, Мордовиянь массовай информациянь средствань заслуженнай работниксь Юрий Александрович Мишанин.

Шачсь-кассь сон Мордовиянь Кадошкинскяй райононь Адашево велеса. Аделазе А. А. Ждановонь лемса Ленинградскяй государственнай университетть, тонафнесь аспирантураса.

1987–2018-це кизотнень Ю. А. Мишанин – Н. П. Огарёвонь лемса Мордовскяй государственнай университетонь филологический факультетонь старшай преподаватель, доцент, профессор, «Вестник Мордовского университета» научно-публицистическяй журналть главнай редакторонц заместителец, региональнай журналистикань теориянь и практикань кафедрань заведующай, Финно-угорскяй народонь культурань Поволжскяй центрать директороц, Н. П. Огарёвонь лемса МГУ-нь филологическяй факультетонь декан. Кода ученай сонь кядь алдонза лиссть 100-да лама научных и учебно-методических работ, сяконь лувксса монография, учебнай пособият.

2014-це кизоста сявомок Ю. А. Мишанин – Мокшэрзянь народть Межрегиональнай общественнай организациянц председателец, Национальносттнень тевензон коряс Федеральнай агентствань Общественнай советонь член, Россиянь финно-угорскяй народонь Ассоциациянь Советонь Президиумонь член, Мордовиянь Общественнай палатань Образованиять, наукать и инновациятнень коряс комиссиять председателец. Общественно-научнай сфераса няевикс сатфксонзон инкса Ю. А. Мишанин казьф Мордовия Республикань Оцюнять и республикань государственнай премияса, Слава III степенень орденца, «За заслуги. В ознаменование 1000-летия единения мордовского народа с народами Российского государства» и лия медальса, а тяфта жа Российскяй Федерациянь и Мордовия Республикань Почётнай лама дипломса и грамотаса.

Библиотекаса покодихне седи ваксста поздравляндасазь Ю. А. Мишанинонь юбилеенц мархта и арьсихть теенза кеме шумбраши и од сатфкст общественно-научнай сфераса.