Вернер Серафим Петрович (1903–1943)

Сундерьковонь неть читнестэ топодевельть бу 120 иеть историкентень-краеведэнтень Серафим Петрович Вернернэнь. Сон чачсь неень Владимирэнь областень Собинкань райононь Ундол посёлкасо. Гражданской войнадо мейле сась Саранскоев. 1920-це иестэ важодсь «Завод и пашня», «Красная Мордовия» газетатнень литературной сотрудникекс.

Серафим Вернер сёрмадсь валморот, ёвтнемат, фельетонт, нолдась «Фосфориты» ды «Мятеж Миронова» повестть (1930). Теке жо шкастонть важодсь МКНИИ-сэ ды Республиканской краеведениянь музейсэ.

1939-41-це иетнестэ Мордовиясо ванкшнось археологиянь памятникть (Теньгушевань ошпандонть, Ширингушинь аштема тарканть), 17-це пингень ванстома кородовкс (Атемарень мар). Тонавтнесь эрзя-мокшонь модатнень колонизациянь шканть ды промышленностенть чачоманзо.

1943 иестэ С. П. Вернер чавовсь Ине Отечественной войнань фронтсо, калмазь Украинань Киевень областень Макаровской ёнксонь Раковка велесэ ялгань калмосо.

Вернерэнь наукань кемень важодевксэнзэ кадовсть апак печата, сынь ванстовить масторонь эрьва кодамо архивсэ.