Василий Сергеевич Родионов (1971)

Василий Сергеевич Родионов – МР-нь искусствань заслуженнай деятель (2009), МР-нь Государственнай премиянь лауреат (2023). Сон шачсь Рузаевка аймаконь Палаевка велеса. 1990-це кизоня аделазе Саранскяень музыкальнай училищать, 1995-це – Казанскяень государственнай искусствань и культурань институтть. 1994-це кизоста сявомок 2002 кизоти молемс покодсь преподавателькс и ансамбльса музыкальнай идень школа-интернатса руководителькс, 2002–2009 кизоти молемс «Келу» фольклорнай ансамбльть руководителец, 2010-це кизоня вятьсь М. Е. Евсевьевонь лемса МГПИ-са творческяй объединение.

В. С. Родионов – рузонь народнай инструментонь оркестранди соченениянь автор, вокально-хореографическяй сюитань автор «Мокшанские посиделки», «Троица», «Роштувань кштимат» («Рождественские пляски»). Рузонь и мокшэрзянь поэттнень стихснон лангс тяштьсь морхт, музыка «Умарина», «Келу», «Лейне» кштимань и морамань ансамбльхненди. В. С. Родионовонь покодеманц вельде «Келу» ансамбльсь аф весть примсесь участие лама сембе Россиянь национальнай культурань фестивальхнень эса. В. Родионов и сонь коллективонза ламоксть лисендсть сяськикс межрегиональнай и республиканскяй пялькстоматнень эса. Тяниеь пингть В. С. Родионов покоди Н. П. Огарёвонь лемса МГУ-нь Национальнай культурань институтса концертмейстеркс. Лама цебярь тевонь тиеманкса композиторсь казьф грамотаса, медальса.