А. С. Пушкин лемсэ Национальной библиотекасо Россиянь Культурань фондонть грантонь максоманзо вельде, «Культура» национальной проектэнь «Творческие люди» федеральной проектэнть лувсо «Мордовиянь од вайгельть» республиканской литературной фестиваленть программанзо коряс ютасть ды кармить ютамо ламо эрьва кодамо мероприятият.
Июнень 16-це чистэ ютась валморонь чокшне, конась алтави эрзянь валморонь сермадыцянтень, Россиянь писателень Вейсэндявксонтень совицянтень, Мордовия Республикань Прявтонь од сёрмадыцятнень туртов литературной премиянь лауреатонтень Алина Подгорнованень.
Авторось сёрмады валморот эрзянь ды рузонь кельтнесэ, вастневи пакшатнень ды од ломантнень марто кода Мордовиясо, истя томбалеяк. Неень шкане важоди «Сятко» журналсо. Сонзэ лиссть «Марямга» (2013), «Кроме рифм» (2016) ды «Мель» (2021) эрзянь ды рузонь кельсэ стихень пусмонзо.
Чокшнентень састь ялганзо, малавиксэнзэ, поэзиянь вечкицянзо, тесэ гайгсть Алинань валморонзо, инжетне ёвтасть ламо шнамонь валт шкинеманзо кувалт.
Проектэнть ушодыцятне-арсицятне – «Некоммерческое партнерство “Национальный спектр”» издателень ассоциациясь ды «Национальная библиотека им. А. С. Пушкина РМ» ГБУК-сь.
#Российскийфондкультуры #нацпроекты #творческиелюди #нацпроекткультура #Министерствокультуры #natlibraryrm #библиотекаПушкина #Мордовия #Саранск #библиотекаПушкинаМордовия
