Туган якны өйрәнү яңалыклары «Вакыт. Вакыйга. Кешеләр»: Симаев Әхмәт Садретдинович (1915–1944)

Симаев Әхмәт Садретдин улы – шагыйрь, журналист, Бөек Ватан сугышында катнашучы. 1915 елның 28 декабрендә Мордовия Республикасы Краснослободск муниөипалҗ районының Усть-Рахмановка авылында туа.

Әхмәт Садретдинович 1928 елдан Мәскәүдә яши. Төзелеш техникумын тәмамлый, Мәскәү метросы төзелешендә бетон буенча лаборант булып эшли; Муса Җәлил җитәкләгән әдәби түгәрәккә йөри. Муса Җәлил белән дуслык А.Симаевның бөтен тормыш юлын алдан билгеләде: ул аны шигърияткә генә түгел, журналистикага да бәйләде. 1933–1936 елларда Симаевның шигырьләре һәм язмалары «Коммунист» (татар телендә), «Метро төзелеше ударнигы» газеталарында басыла. 1936–1940 елларда А. Симаев – әдәби хезмәткәр, якшәмбе «Коммунист» газетасы саркәтибе. 1939 елда Мәскәү дәүләт педагогика институтының филология факультетының читтән торып уку бүлегенә укырга керә. 1940 елның октябрендә Кызыл Армиягә алына. Фронтта 6 ай була: 250 нче һава – десант полкының радист – десантчысы. 1942 ел башында аларның самолеты дошман территориясеннән бәреп төшерелә. Әсирлектә А. С. Симаев фашистларга каршы подполье оештыручыларның берсе була. Гестапо аларның төркемен ача. Судка кадәр, 1943 елның 4 августыннан 1944 елның мартына кадәр, А. Симаев, М. Җәлил һәм аларның иптәшләре Тегель төрмәсендә булганнар, аннары Берлиндагы Плетцензей төрмәсенә күчерелгәннәр.