Шумилкин Иван Егорович - Национальная библиотека им. А. С. Пушкина Республики Мордовия

Сундерьковонь 20-чистэ топодевельть бу 100 иеть эрзянь поэтэнтень, баснянь сёрмадыцянтень Иван Егорович Шумилкиннэнь (1924–2006). Чачсь сон Ицялбуень Ламбаське велесэ.

С. М. Киров лемсэ Ицялонь педучилищанть ды Н. П. Огарёв лемсэ МГУ-нь филологиянь факультетэнть прядомадо мейле малав колоньгемень иеть важодсь эсь велесэ тонавтыцякс ды библиотекарекс.

Иван Шумилкинэнь лиссть «Минек морось» (1952), «Баснят ды стихть» (1958), «Ёжов Осёл» (1966), «Сардт» (1971), «Ине вечкема» (1978), «Бажамо» (1991), «Седяк, ялгай, моро моран» (1996), «Кочказь бисёрт» (2006) баснянь ды валморонь пусмонзо. Рузонь кельсэ нолдазельть «Солнце и туча» (1967), «Коза в саду» (1985) баснянь ды фельетононь книганзо.

Эсь шкинемасонзо Иван Шумилкин явсь покш мель вишка ловныцятнененьгак. Сынст туртов сон казинзе «Телесь инжекс сась» (1977) ды «Казне» (1984) валморонь пусмонзо. Сёрмадовксонзо лиснесть «Дружба народов» ды «Нева» журналтнэсэ. И. Е. Шумилкин – Ине Отечественной войнань участник, МАССР-нь культурань заслуженной важодиця (1985). 1968-цс иестэ совавтозь СССР-нь сёрмадыцянь всйсэндявксос.

Кулось 2006-це иснь эйзюрковонь 25-це чистэ. Калмазь тиринь велесэнзэ.