Сенин Пётр Васильевич

Инженер-механиксь, профессорсь (1998), техническяй наукань докторсь (2000), Мордовия Республикань наукань заслуженнай деятельсь (2001), Российскяй Федерациянь высшай профессиональнай образованиянь почётнай работниксь, (2003), РФ-нь высшай школань заслуженнай работниксь (2011), РМ-нь Государственнай премиянь лауреатсь (2013), 3-це степенень орденонь Славань кавалерсь (2018) Сенин Пётр Васильевич шачсь 1953-це кизоня 10-це октябрьста Ельникова аймаконь Мокшень Куженя велеса, крестьянонь семьяса, мокша.

Аделазень Мордовскяй государственнай университетть (1975), Государственнай НИТИ-ть аспирантуранц (1981). 1976-86-це кизотнень покодсь – инженеркс, ассистентокс, тонафтыкс, кшнинь технологиянь и машинань петемань кафедрань доцентокс, 1986-91-це кизотнень – деканонь заместителькс, 1991-96-це кизотнень ульсь механизациянь и электрификациянь факультетонь деканкс, 1996-це кизоста сявомок – Механикань и энергетикань институтонь директоркс, 1999-це кизоста ушедомок – Мордовскяй университетонь механизмань и машинань конструированиянь основань кафедрань заведующайкс тянемс.

П. В. Сенин аноклась 2 докторхт и 11 наукань кандидат. Сёрмадсь 298 научнай и учебно-методическяй работа, 34 учебник, монографият, тонафнемань пособият. Сонь лемоц сувась «Лучшие сыны и дочери России» энциклопедияв (2005).