А. С. Пушкинэнь лемсэ Национальной библиотекасо «Родная книга» проектэнть вельде моли ютавтомань коряс семинаронь-практикань циклась. Сон юты Россиянь раськень литературань ванстомань-кирдемань программанть ало.
Течи юты вадожемань омбоце чись. Программанть коряс ютась лекция, косо ванновсь финно-угорской кельтнестэ ютавтоманть башка ёнкстнэ, ветицязо – удмуртонь кельстэ ютавтыцясь, М. Горькоень лемсэ Литературной институтонь тонавтыцясь Вера Григорьевна Пантелеева. Сон истя жо ветясь «Трудности перевода с языков эрзя и мокша» мастер-классэнть.
Пек лезэв ды эрявикс ульнесь «СМИ на языках» семинарось, конась алтазь национальной газетатасо ды журналсо важодицятненень.
Ламо шка те мероприятиятнесэ максозь важодемань семинартнэнень, косо ванновсть тиринь кельстэ рузонь кельс ютавтомань кевкстематне.
