«Пингсь. Тефне. Ломаттне»: краеведениянь кулят Сергей Васильевич Кинякин (1937–2019)

Тяддень 24-це сентябрьста топодель ба 85 киза шачема шистонза Российскяй Федерациянь Писателень союзонь члентти, Мордовиянь комсомолть премиянц лауреатонцты, Мордовиянь народнай поэтти Сергей Васильевич Кинякинонди.

Сон шачсь Москуса. Великай Отечественнай войнать ушетксста алянза-тядянза мрдасть эсь шачема вастозост – Зубово-Полянскяй райононь Пичпанда велети.

Школать аделамда меле кармась тонафнема Мордовскяй государственнай университетонь филологическяй факультетса.

Лама киза работась редакторкс Мордовскяй книжнай издательстваса, сяльде – «Мокша» журналса ответственнай секретарькс, Мордовия Республикань Писателень союзть правлениянц председателенцты заместителькс.

Нолдась мокшень и рузонь кяльса стихонь лама сборникт: («Миронь гулянять», «Эряфсь и кельгомась», «Инь мазысь», «Кизот-вайгяльбет», «Ялгаксшинь седь», «Анок ульхть!», «Шачень эряма павазукс», «Сизеф алашань вайгяль», I-це пялькссь, «Голос уставшей лошади», II-це пялькссь, «Тревожусь», «На свете нет тебя дороже», «Первопроходцы». «Под солнцем и луной», «Я живу тревожусь и люблю» и др. Кой-кона стихотворениянза ульсть печатлафт «Литературнай газетаса», «Литературнай Россияса», «Комсомольскяй правдаса», «Крестьянка» и «Дружба народов» журналхнень эса.

Мокшень кяльс ётафтозень рузонь и советскяй литерагурань ламоц классикнень произведенияснон, а тяфта жа «Калевала» карело-финскяй эпость, кона кафксть печатлафоль «Мокша» журналса.

Сон Мордовия Республикань Гимнать автороц, музыкать Гимнати сёрмадозе Нина Кошелевась. Казьф Почётнай орденца, медальса.