Таштамковонь 2-це чистэ топодевельть бу 85 иеть филологиянь наукань докторонтень, профессоронтень, Н. П. Огарёв лемсэ университетэнь филфаконь икелень деканонтень М. В. Мосиннэнь.  Чачсь сон Орданбуень Жабина велесэ. Школадо мейле прядызе Н. П. Огарёв лемсэ госуниверситетэнть, Тарту ошонь университетэнь аспирантуранть. 50-де ламо иеть важодсь Н. П. Огарёв лемсэ госуниверситетэнь филологической факультетсэ. Ульнесь ассистентэкс, ст. преподавателекс, доцентэкс, финнэнь-угрань филологиянь кафедрань профессорокс. Михаил Васильевич ламо вийть путсь финнэнь-угрань кельтнень седе парсте тонавтнемантень ды сюпалгавтомантень. Сонзэ прявт ветямонзо коряс важодсть ламо аспирантт, эйстэст кеменде ламотне парсте идизь кандидатонь, докторонь диссертацияст. М. В. Мосин сёрмадсь монографият, вузонь ды школань туртов ламо книгат, статьят. Сынь лиссть аволь ансяк минек масторсо, сонзэ томбалеяк. Финляндиянь Турку ошонь университетэнь финнэнь-угрань кельсодамонь кафедранть марто вейсэ Михаил Васильевич анокстынзе эрзянь-суоминь ды суоминь-эрзянь валкстнэнь, сёрмадызе «Эрзянь келень этимологиянь валксонть», «Финнэнь-эрзянь кортамолезксэнть», вузтнэнь туртов «Эрзянь келенть» ды истя седе тов. … Читать далее