Налдин Василий Савельевич шачсь 03.11.1922-це кизоня Мордовия Республикань тяниень Старошайговскяй райононь Сире Шайгав велеса сокаень-видиень семьяса. Василий Савельевич – Славань орденонь полнай кавалер (1943; 1944; 1945). Великай Отечественнай войнать пингста ульсь наводчикокс, орудиянь командиркс, войнать песта толонь взводонь командиркс. Виень апак ужяльть машфтсь врагть эса Москуть, Волоколамскяйть ала бойса, Курскай дугаса. Савсь тюремс Вислать, Днепрть, Одерть туркс ётамста вишке фатнематнень эса, Варшавань сраженияса. Ульсь Берлинть сявиензон ёткса.
Войнада меле Василий Савельевич покодсь пидикс-паникс, Варшавскяй шоссейнай киса (Моску ошсь) автомобильно-техническяй обслуживаниянь станциянь директоронь заместителькс.
Василий Савельевич Налдинонь лемоц тяштьф «Мосавтотехобслуживаниясь» объединениять Почётонь книгаса. Сон казьф Славань 2-це степенень нинге фкя орденца (1981), Отечественнай войнань 2-це степенень 2 орденца, медальса. Сонь лемсонза лемтьф ульця Сире Шайгавса.
Кулось 26.07.1989-це кизоня Моску ошса.
