21-це июньцта Литераторнай лабораториять видеса ётась «Национальные детские журналы» лекторийсь, конань вятезь «Чилисема» и «Якстерь тяштеня» журналонь редакторхне.
Синь азондсть журналхнень эрямань киснон колга, материалхнень, конат печатлакшневихть лопаняснон лангса, а тяфта жа шарфтсть мяль идень мокшень и эрзянь литературать сяда тов касоманц и виияманц колга.
Лекторийсь ётась «Республиканский литературный фестиваль “Молодые голоса Мордовии”» проектть видеса, конац лиссь сяськикс «Культура» национальнай проектонь «Творческие люди» федеральнай проектть эса. Сонь ушедыенза-арьсиенза – «Некоммерческое партнерство “Национальный спектр”» издателень ассоциациясь и МР-нь А. С. Пушкинонь лемса Национальнай библиотекась.
Мероприятияса ульсть содавикс поэтт и писательхть, од сёрмадыхть, Саранск ошень школаса тонафнихть.
