Мещёров Энвәр Тагирович (1920–1986)

20 апрельда галим-агроном, авыл хуҗалыгы фәннәре докторы (1970), профессор (1973), хәзерге Ельников районы Акчеево авылында туган Энвәр Тагирович Мещеровның (1920–1986) тууына 105 ел тула.

Энвәр Мещеров – галим-агроном, авыл хуҗалыгы фәннәре докторы (1970), профессор (1973). 1920 елның 20 апрелендә Мордовия Республикасының хәзерге Ельников районы, Акчеево авылында крестьян гаиләсендә туган. Казакъ авыл хуҗалыгы институтын тәмамлый (1945). Үсемлекчелек фәнни-тикшеренү институты (ВИР; 1950) – өлкән фәнни хезмәткәр, 1969–1970 елларда – фәнни эш буенча директор урынбасары, 1972–1986 елларда – ВИРның интродукция бүлеге мөдире.

Энвәр Тагирович Мещеровның фәнни тикшеренүләренең төп юнәлешләре – биология, систематика һәм кыяр селекциясе, авыл хуҗалыгы үсемлекләре интродукциясе. Мещеров кыяр сортларына һәм гетерозистик гибридларга 23 авторлык таныклыгы ала, ике монография һәм 75тән артык фәнни хезмәт бастыра.