30-це ноябрьста А. С. Пушкинонь лемса НБ-нь национальнай и краеведческяй литературань отделонь покодихне Саранск ошень 39-це № школань тонафнихненди ётафтсть литературань урок «Иттненди кельгозь», кона лемтьф идень писательхнень творчестваснонды.
Библиотекарьхне шарфтсть мяль мокшэрзянь писательхнень лангс. Сембодонга крхкаста азондсть содаф мокшень ломантть, МР-нь народнай поэтть Раиса Константиновна Орловать эряфонь и творческяй кинц колга.
6-це классонь тонафнихнень содафтозь поэтть стихонь сборниконзон мархта, конат лисендсть мокшень и рузонь кяльса. Оцю мяль шарфнесть Рая Орловать идень книганзон лангс.
Поэтть лиссть стихонь 16 (кемготува) сборниконза, синь еткстост нилетне лемтьфт шабатненди: «Мокшанская азбука» в стихах (2015), «Ладимир и Азарина» сказка в стихах (2021), «Азбукась стихса» (2023), «Нюрямонь моронят» (2023).
Урокса кайгсть сонь стихонза рузонь и мокшень кяльса, конатнень пара мяльса лувозь шабатне.
Р. К. Орловать фалу панжада потмоширец кода шабатненди, стане и эряфкшу ломаттненди. Сонь мялень салай стихонза сувайхть лувить ваймос. Синь кеняртьфтихть, пичефтихть, арьсефтихть, эряйхть!
