Краеведениянь кулят «Шкась. Тевтне. Ломантне»: Валентина Павловна Цыпкайкина

Ожоковонь 2-це чистэ чачома чинзэ тешксты эрзянь содавикс лингвистэсь Валентина Петровна Цыпкайкина. Сон весе эрямонзо алтызе эрзянь келенть тонавтнеманзо, ванстоманзо, сюпалгавтоманзо туртов.

В. П. Цыпкайкина чачсь Кочкурбуень Сурвелесэ. Школань прядомадо мейле тонавтнесь Эрзянь-мокшонь Н. П. Огарёв лемсэ госуниверситетсэ, аспирантурасо. Важодсь васня школасо, мейле библиотекасо. 1987-це иестэ идизе филологиянь наукань кандидатонь диссертациянть. Ульнесь Мордовиянь келень, литературань, историянь ды экономикань научно-исследовательской институтонь научной сотрудникекс, М. Е. Евсевьев лемсэ госпединститутонь ассистентэкс, тонавтыцякс, кафедрань прявтокс. 1995-це иестэ саезь Валентина Павловна важодсь Н. П. Огарёв лемсэ госуниверситетэнь филологиянь факультетсэ, ульнесь эрзянь келень кафедрань прявтокс.

В. П. Цыпкайкина – зярыя тонавтнема книгань, вузонь тонавтницятненень лездамопелень автор, Мордовиянь Госпремиянь лауреат.

МР-нь А. С. Пушкинэнь лемсэ Национальной библиотекань раськень ды краеведениянь нупалень важодицятне ёвтыть Валентина Павловнанень седейшкавань паро валт чачома чинзэ кувалма, арсить тензэ кеме шумбрачи, наукасо седеяк покш изнявкст.