Александр Николаевич Норкин
Сундерьковонь 14-це чистэ топодевельть бу 95 иеть мокшонь содавикс поэтэнтень-лирикентень Александр Николаевич Норкиннэнь. Чачсь сон Рузаевка ёнксонь Куликовка велесэ. Седе тов аванзо-тетянзо марто састь эрямо Саранскоев. Тонавтнесь школасо, служась флотсо, укшнось Тихой океанга, Балтийской морява. Армиясо кармась валморонь сёрмадомояк.
Московсо велень хозяйствань механизациянь ды электрификациянь институтонь прядомадо мейле велявтсь Саранскоев. Ламо иеть важодсь «Мордовэнергосо», васня мастерэкс, мейле инженерэкс.
Лиссть стихень зярыя книганзо: «Мес мазыхть розатне» («Мекс мазыйть розатне») (1962), «Мокшесь седисон» («Мокшась седейсэнь») (1971), «Кенкшкяцень, келазь, панчк» («Кенкшкеть, ривезь, панжт») (1972), «Костры над Мокшей» (1974), «Алязень талисманоц» («Тетянь талисманозо») (1977), «Горсть земли» (1981).
А. Н. Норкин – Россиянь писателень Союзонь член (1994).
Кулось 1997-це иень умарьковонь 12-це чистэ, калмазь Саранскойсэ.
