Краеведениянь кулят «Пингсь. Тефне. Ломаттне»: Надежда Андреевна Кулаковать 60-це кизонцты

Кялень содайсь, филологическяй наукань кандидатсь (2001), доцентсь (2008) Надежда Андреевна Кулаковась шачсь 1966-це кизонь 3 июньцта Мордовия Республикань Кадошкина аймаконь Адаж (Адашево) велеса, мокшава. Шумордазе Н. П. Огарёвонь лемса Мордовскяй государственнай университетть (1988), университетонь аспирантурать (1995). 1994-це кизоста сявомок – ассистент, старшай преподаватель, 2004-це кизоня – университетонь мокшень кялень кафедрань доцент. Сон покоди валть лексиканц, этимологиянц, мокшень кяльть синтаксисонц лангса. Сёрмадсь 30-да лама научнай и учебно-методическяй работа.

Эряфонь перьф Надежда Андреевна Кулаковась нолдась лама учебнай пособия: «Словарь терминов по обществознанию на мокшанском языке для общеобразовательных школ = Мокшень кяльса общеобразовательнай школатненди обществознаниянь терминонь валкс», «Мокшень и эрзянь кяльса финно-угрань кяльста-юромста саф глаголхнень тиевомасна и смузьсна: спецкурсть коряс учебнай пособия», «Мокшень кяль: синтаксис: учебник», «Диктантт и изложеният: 5–11 классненди: учительхненди пособия» и лият.

Надежда Андреевна, А. С. Пушкинонь лемса библиотекань покодихне шачема шистонт арьсихть тейнть кеме щумбраши, оцю паваз, цебярь мяльхть-арьсемат и нинге лама сатфкс кельгома тевсонт!