Краеведениянь кулят «Пингсь. Тефне. Ломаттне»: Келин Михаил Александрович

Келин Михаил Александрович – филологическяй наукань кандидат, языковед, профессор, МАССР-нь народнай образованиянь заслуженнай работник, Мордовия республикань Государственнай премиянь лауреат.

М. А. Келин шачсь 1928-це кизоня 10-це ноябрьста Кадошкина аймаконь Пойвеле велеса, сокаень-видиень семьяса. Глушковскяй средняй школать аделамда меле тонафнесь Мордовскяй государственнай педагогическяй институтонь историко-филологическяй факультетса, кучфоль Мордовскяй книжнай издательствань редакторкс, сяда тов етафтфоль «Мокшень правда» газетаса редакциянь отделонь вятикс. 1963–1966-це кизотнень тонафнесь научно-исследовательскяй институтть видеса аспирантураса «Мордовские языки» специальностьс коре. 1966-це кизоста сявомок М. А. Келин покодсь М. Е. Евсевьевонь лемса педагогическяй институтса. 1968-це кизоня аралазе «Сложные слова в мордовских языках» темать коряс кандидатскяй диссертациять. Ульсь мордовскяй кялень и литературань кафедрань ассистентокс, старшай преподавателькс, анокламань отделениянь вятикс, мордовскяй кялень кафедрань оцюнякс, филологическяй факультетонь деканкс. 1993-це кизоня ученайти максфоль профессоронь лем.

М. А. Келин сермадсь кафксогемоньда лама научнай статьят, программат, учебникт и учебнай пособият, валкст: «Мокшень кяль. 7-це классненди», «Мокшень кяль, грамматика и стилистика. 8-це класса тонафнема книга»; «Мокшень кялень грамматика. 5–6-це классненди», «Мокшень кяль. 5-це классненди», «Мокшень кяль. 10–11-це класненди», «Валонь тиевома мокшень кялень валкс», «Валть пяльксова явоманц коряс мокшень кялень валкс» и лият

Марнек эряфонц Михаил Алесандрович Келин лемдезе наукати. Казьф лама казняса, «Почётонь знак» орденца, медальса.