Краеведениянь кулят «Пингсь. Тефне. Ломаттне»: Иван Григорьевич Осьмухинонь 115-це кизонцты

Иван Григорьевич Осьмухин шачсь 1911-це кизонь 21-це августста Мордовскяй АССР-нь Сире Шайгав аймаконь Од Николаевка рузонь велеса. Школада меле тонафнесь Нижняй Новгородса рабфакса, сяда тов шумордазень Москуса пединститутть и пчеловодствань институтть. Покодсь учителькс, агрономкс, пчеловодкс.

Нинге школаса тонафнемста сон прафтсь поэзияти. Литературав сувась 1931-це кизоня, стихонза печатлакшневсть «Красная Мордовия», «Молодой ленинец» газетаса, «Литературная Мордовия» альманахса, а стане жа «Прожектор», «Коллективист», «Клубная сцена» Москувонь журналхнень эса.

Иван Осьмухин нолдась стихотворениянь кемоньшка сборник. Сембода содафне ётксост ‒ «Улетают журавли», «Весна-красна», «В моем краю», «Дымок над крышей» и лият. Эсь стихонзон эса поэтсь сёрмадсь од ломаттнень, одкстомф велеть, перьфпяльть, природать, кельгомать колга. Ламоц эздост лемтьфт Великай Отечественнай войнати.

Иван Осьмухин сёрмадсь и оцюфненди, и иттненди. Сон СССР-нь писателень Союзонь член. Эрясь Саранск ошса.

Кулось И. Г. Осьмухин 1988-це кизонь 27-це августста.