Краеведениянь кулят «Пингсь. Тефне. Ломаттне»: Илья Максимович Девинонь 104 кизонь топодеманцты

Илья Девин… Тя лемть кулемста сельминголет эреклакшни фалу весяла, эряфонь кельги ломань, оцю поэть и писатель. Кона маштсь мялень петезь корхтама-азондома, пеетькшнема-сингоряма.

Сон шачсь 20-це июльста 1922-це кизоня поэтическяй крайса – Сире Теризморгаса. Велеса, коса кемот народнай культурати, народнай обуцятненди и моротненди. Кельгомась мороти, мокшень кяльти кърхкаста сувась тяса и поэтть ваймос.

И. М. Девин эсь творчестванц ушедозе нинге школса тонафнемста. Васендакиге поэтсь тяштсь сиде моронят (частушкат), конат ульсть печатлафт «Колхозонь эряф» журналса 1938 кизоня. Васенце стихонза И. М. лиссть печатьса ВОВ войнань кизотнень инголе «Колхозонь эряф» журналса 1938 к. И. М. Девинонь лемоц арась сяда содавиксокс 1945 кизоня, мзярда лиссь сонь «Шобдавань заря» васенце стихонь сборникоц. Войнада меле ушедсть лисендема Девинонь стихонь сборниконза «Моим товарищам по счастью», «Стихт» («Стихи»), «Белоручка», «Тунданьке ушеедсь» («Начало весны»), «Цебярь вайме» («Добрая душа»), «Кизот, кизот…» («Годы, годы…»), «Иван лейтенант», «Кода Нумолов Михалань цють акулатне изь сала» («Как Михала акула напугала»), «Нардише» («Трава-мурава»), «Кода парцень пандомс» («Как тебя отблагодарить тебя»), «Моли, аськоляй ульцява» («Вдоль по улице шагает»), «Земля моя», «Ичкоздень ки», «Далекий путь», «Коса келунь шачеманяц» («Где родилась березонька»), «Сенемас».

Башка васта И. М. творчестваса занцси «Нардише» («Трава-мурава») романоц, кона лисендсь башка книгакс мокшень и рузонь кяльса Саранскяйса и Москуса.

Кунара ни аш шиса поэтсь, а пингсь аф ащи фкя вастса. Пингсь моли инголи. И эвондась Теризморгать кучкаса памятник МР-нь народнай поэтти И. М. Девинонди. Ламотне пара мяльса мяляфнесазь поэтть, мольфтсазь сонь тевонц сяда тов школаса тонафни иттне, ниле кизот, кода поэтть шачема-касома велесонза ётафневихть Девинскяй лувоматне. И. М. Девин кадсь эсь мельганза кърхка и смузю наследие – питни книганзон и седиень пети моронзон.