Краеведениянь кулят «Пингсь. Тефне. Ломаттне»: Фёдор Фролович Советкинонь –140-це кизонцты

Педагогсь-методистсь, педагогическяй наукань докторсь, профессорсь, МАССР-нь наукань заслуженнай деятельсь Фёдор Фролович Советкин шачсь 13-це июньцта 1886-це кизоня Пенза ошень Камешкирскяй аймаконь Од Шаткина велеса, эрзянь семьяса.

Аделазень 4-классонь училищать Царицын ошса (тяни Волгоградсь), Казанскяй учительскяй институтть, Москувонь коммерческяй институтть, тяса А. Ф. Фортунатовонь вятеманц ала сёрмадсь историко-этнографическяй очерк мокшэрзятнень колга. 1919-це кизоста сявомок покодсь преподавателькс, 1925-це кизоня Москуса Просвещениянь наркоматса.

1935-це кизоня сась экспедиция мархта Мордовияв. Ня кизотнень Советкинонь вятеманц ала тифтольхть од тонафнемань платт и программат мокшэрзянь школатненди. Марса С. З. Варламовонь и И. Р Араповонь мархта нолдась «Букварь» (1933), «Букварь школаса оцю ломанень тонафнемс», «Морафтома книга сёрмас аф ламода содайхненди» (1934), «Родной вал» 1–4 классненди (1950), рузонь кялень. учебниконза 1–4 классненди «Мордовскяй кяльть тонафнеманц методикац мордовскяй (эрзя) школаса» (1951), пособият школань учительхненди.

Казьф Ленинонь орденца, К. Д. Ушинскяень медальса.

Кулось 1967-це кизоня 27-це июньцта Моску ошса.