Алексей Васильевич Веденяпин – офицер-декабрист. Шачсь 14-це мартста 1804-це кизоня Теньгушевскяй райононь Веденяпина велеса дворянскяй семьяса. Аделазень Тамбовскяй дворянскяй училищать, 1-це Кадетскяй корпусть Санкт-Петербургса, ульсь 1-це разрядонь воспитанникокс. 1825-це кизоть ушетксста сувась марс пуромф славянонь Обществав. А. В. Веденяпин Черниговскяй пехотнай полкть кеподеманц тапамада меле пякстафоль. Сяда тов прважафоль служама Уральск ошу, ётафтфоль Кавказскяй корпусу. Войнать аделамда меле касфтфоль унтер-офицеркс, кучфоль Кавказу. 1834-це кизоня сась Веденяпинав. Сон тяряфтьсь кеподемс хозяйствать, но тянь эзда мезевок ашезь лисе. Мзярошка киза ульсь управляющайкс графть А. А. Закревскяень именияса Муратовка велеса, дворянствань губерниянь предварительть Ф. И. Никифоровонь именияса Порошина велеса, юстициянь ингольдень министрть Д. В. Дашковонь именияса Царёв Курганца.
