Краеведениянь кулят «Пингсь. Тефне. Ломаттне»: Алексей Дмитриевич Шуляевонь 85-це кизонцты

Фольклористсь, Мордовия Республикань культурань заслуженнай работниксь, Мордовия Республикань Государственнай премиянь лауреатсь, Россиянь писателень союзонь членць Шуляев Алексей Дмитриевич шачсь 28-це августста 1941-це кизоня Мордовияса Зубово-Поляна аймаконь Поповка велеса мокшень семьяса. Аделазень Мордовскяй государственнай университетть, сяльде кялень, литературань, историянь и экономикань Мордовскяй научно-исследовательскяй институтть МР-нь Правительствать видеса аспирантуранц. 1968-це ‒ 2002-це кизотнень ульсь фольклоронь и искусствань секторонь, меле ГННИИ-нь литературань и народнай творчествань отделонь старшай научнай сотрудникокс.

А. Д. Шуляев сёрмадсь 120 лама работа мордовскяй фольклористикать коряс, «Мордовскяй устнай народнай творчествась» тонафнемань пособиять тяштиензон эзда фкясь, тись классификация и ётафтозень рузонь кяльс мокшэрзянь моротнень, конатнень кочказень И. Сибиряк, лиссть «Устно-поэтическяй творчествац мордовскяй народть», тяфта жа «Мордовскяй народнай музыкальнай искусствань памятникне» антологияти; «Поволжьянь нароттнень духовнай наследиясна: фалу эрек лихтибрят» антологиять тяштиензон и кочкаензон эзда фкясь. Тяда башка тяштсь лама литературно-критическяй статья мокшэрзянь писательхнень творчестваснон колга.

А. С. Пушкинонь лемса Национальнай библиотекань покодихне арьсихть учёнайти кеме шумбраши, оцю паваз и кувака эряф.