Фёдор Савватьевич Дурнов (1921–1944)
Фёдор Савватьевич Дурнов шачсь 1921-це кизоня февральть 27-це шистонза Ковылкинскяй райононь Порапа велеса. 1937-це кизоня аделазе рабфакть и кармась улема учителькс. Кизода меле ётась работама Ковылкинскяй районнай газетав литературнай сотрудникокс. Сяда меле Фёдор Савватьевичень сявозь литературнай редакторкс «Колхозонь эряф» журналу.
Васенце стихонзон сёрмадозень нинге школаса тонафнемста, а печатламост ушедсь 1935-це кизоня.
Фёдор Дурновонь ульсть сатфксонза баснянь жанрасовок. Инь содаф – «Алашась и сяськне» басняц, конань эса аллегория вельде няфневихть стама ломаттне, конат сатсазь инголест путф цельть, мезьге лангс аф ванозь.
1941-це кизоня нолдазе «Нюди» васенце стихонь сборниконц. Тяка кизонь декабрьста серьгядезь Якстерь Армияв. Сон ашезе кадонда сермадоманц войнань толу кизотненьге, сяс стихотворенияц «Браткяй, тячи молян бойс» кайги авторть эзда завещаниякс тяниень пингонь эряйхненди. Немецко-фашистскяй захватчикнень каршес тюремста Фёдор Дурнов кафксть ранендафоль. 1944-це кизоня майть 11-це шистонза вишке бойса сон шавовсь.
Од поэтти ульсь 23 киза.
