Краеведениянь кулят «Пингсь. Тефне. Ломаттне»

Графиксь, живописецсь, педагогсь, Мордовиянь народнай художниксь, МАССР-нь искусствань заслуженнай деятельсь, культурань заслуженнай работниксь Александр Иванович Коровин шачсь 1924-це кизонь 25-це июльста Владимирскяй областень Суздаль ошса, служащаень семьяса. 1942-це кизоня шумордазе Ивановаса художественнай училищать, сяда тов тонафнесь Москуса Ленинградскяй филиалонь полиграфическяй институтса. 1961-це кизоня ётась эряма Саранскяи. Александр Ивановичень пяк оцю путфксоц Мордовиянь графическяй искусствать касфтомаса-виияфтомаса. 1961–1977-це кк. покодсь Мордовскяй книжнай издательстваса художникокс.

Сонь творчествасонза няеви эсь лацонь маштомоши, пара усол, тевонь содай ломань.

Художниксь покодсь тяфтама книгатнень дизайнаснон лангса, кода («Пенза и Сура» (1971), «Сияжар» (1975) В. Радаевонь; «Румянцев-Задунайский» (1977) М. Петровонь; «Саранкать лангса ош-крепостькя» (1982) Г. Балабаевонь и лият). Ламотне эздост казьфтольхть дипломса и максфоль тейст оцю питне. Тяштсь и графикань жанраса: «Мордовскяй народть героическяй етай пингстонза» (1971), «Сире Саранскяйсь» (1969, 1980), «Мордвать легенданза» (1981), «1917 кизонь ломаттне» (1984).

Александр Иванович ульсь содаф кода и живописец («Россиять архитектурнай памятниконза», «Стирезень портретоц» (1989), «Май» (1990) и лият).

1977-це кизоста сявомок и 2000-ть кизоти молемс вятсь урокт Саранскяень художественнай училищаса. Сон ульсь аф весть Мордовиянь и сембе масторонь художественнай выставкава.

Великай Отечественнай войнань участник, казьф Отечественнай войнань 2-це степенень орденца.

Кулось Александр Иванович Саранскяйса 21-це мартста 2003-це кизоня.