Эрзянь содавикс поэтэнтень Александр Сергеевич Кадоркинэнь топодевельть бу 85 иеть. Чачсь сон 1938-це иень аштемковонь 26-це чистэ Отяжбуень Козловка велесэ.
Тонавтнесь Н. П. Огарёв лемсэ МГУ-нь историянь-филологиянь факультетсэ. Важодсь Чаунзань, Ицялонь районтнэсэ школань директорокс ды тонавтыцякс.
1978-це иестэ саезь меельце чизэнзэ тонавтсь эйкакшг Тюмень ёнксонь Сургут ошсо.
Кадоркинэнь минек ловныцятне содасызь кода поэтэнть, конань шкинемазо лия ёнов а молиця ды оймес кадовиця.
Валморонзо лиснесть газетасо, журналсо, совасть хрестоматияс, тонавтнема книгас. «Давол», «Дезертир», «Чинть ды ковонть ало» поэманзо вечкевсть весе ловныцятненень. Лиссть «Мика» (1969), «Ки лангсо» (1971), «Терди чачома мастором» (1987) стихень ды «Латко чиресэ кудыне» (1975) ёвтнемань книганзо. Весе сынь токасть ловныцятнень седеест, сыремтсть мештезэст эрямонтень ды эсь тевтненень седеяк покш тол, тердсть эйсэст ояксчинь уцяскантень, вейке-вейкенень лездамо.
А. С. Кадоркин кулось 1993-це иень ожоковонь 5-це чистэ.
