Иттненди сёрмады: Бобылёв Фёдор Николаевич (1912–1999)

2022-це кизоня 20-це июньцта топодсь 110 киза шачема шистонза идень поэтти, Великай Отечественнай войнань ветеранти Фёдор Николаевич Бобылёвонди. Стихонь тяштема ушедсь нинге школаса, тяда меле поладозе сёрмадоманц Темниковскяй педагогическяй институтса тонафнема пингстонза. Покодсь учителькс велень школаса.

Ф. Н. Бобылёв тяштсь рузонь кяльса. Сонь васенце стихонза ульсть печатлафт 1955-це кизоня «Сельская новь» районнай газетаса. 1959-це кизоня Мордовскяй книжнай издательстваса нолдавсь васенце стихонь сборникоц «Веселая азбука». Сяда тов, фкянь-фкянь мельге, лисендсть книганза «Я без дела не сижу», «Радуга-дуга», «Не хочу быть белоручкой», «Колобок», «Ёлочки-подружки» и лият, конатне пяк лац содафт шабатненди. Лама стихонза инь ёмла лувихненди печатлафт «Мурзилка», «Пионер» журналхнень эса. Поэтсь тяшти перьфпяльть козяшинц и шачема крайть мазышинц колга, эсь стихонзон вельде казенди иттненди кенярдема, пеедема и эряфонь смузь.

Сонь книганза ванфтовихть А. С. Пушкинонь лемса НБ-ть фондсонза, а творчествац фалу ащи вешемань ки лангса.