Эйзюрковонь 12-це чистэ топодевельть бу 85 иеть историкентень, исторической наукань кандидатонтень (1979), профессоронтень (1997) П. Д. Грузновнень.
Павел Данилович чачсь сокицянь-видицянь семиясо МР-нь Дубёнкань ёнксонь Поводеле велес. Прядынзе Уралонь государственной университетэнть (1964), ВПШ-нть (1972), КПСС-нь ЦК-со ОНА-нть (1979).
1967–1970 – ВЛКСМ-нь Октябрьской РК-нь орготделэнь прявт (Свердловск), Свердловскоень ОК-нь инструктор, Ачитскоень РК-нь 1-це секретарь. 1972–1976 – КПСС-нь Кочкуровань РК-нь секретарь, 1979–1992 – Мордовиянь ОК-нь отделэнь прявтонь полавтыця, Краснослободскоень РК-нь 1-це секретарь, Мордовиянь ОК-нь орготделэнь прявт, секретарь, КПСС-нь ЦК-нь инструктор, референт, МССР-нь МС-нь прявтонь полавтыця. 1992–2001 – МНИИЯЛИЭ-нь директор.
Наукасо мелензэ явсь Россиянь велень хозяйствань государственной политикань кевкстематненень. Сёрмадсь наукань 40 ламо важодевкст, 2 монографият.
Грузнов П. Д. – КПСС-нь 27-це (1986) ды 28-це съездтнэнь (1990), ВЦСПС-нь 28-це съездтнэнь (1987), народной образованиянь роботникень Всесоюзной съездэнь (1988) делегат. МАССР-нь ВС-нь депутат (1985). Казезезель медальсэ.
Кулось Павел Данилович ожоковонь 1-це чистэ 2016 иестэ. Наукасо ламо иень сонзэ топавксонзо лиядсть историянь коряс важодемасо тонавтомапелекс ды покш лезсксэкс од учёноень кастомасо.
