8 апрельдә хирург, педагог, медицина фәннәре докторы (1959), профессор (1964), СССР медиклар берлеге премиясе лауреаты (1986), Медицина-Техник Фәннәр Академиясенең һәм Петровск фәннәр һәм сәнгать академиясенең мөстәкыйль әгъзасы (1994), РФнең атказанган фән эшлеклесе (2002), РСФСРның сәламәтлек саклау отличнигы, Бөек Ватан сугышында катнашучы, хәзерге Мордовия Республикасы Краснослободск муниципаль районы Черный Студенец авылында туган Феттях Хәлим улы Кутушевның тууына 100 ел.
Феттях Хәлим улы Кутушев Ленинград хәрби-медицина училищесын (1942), Ленинград педиатрия медицина институтын (1949) тәмамлаган.
1953–1964 елларда-фәнни хезмәткәр, С. М. Киров исемендәге Хәрби-медицина академиясенең табибларны камилләштерү өчен хирургия кафедрасы профессоры; 1964–2003 елларда – профессор, Ленинград педиатрия медицина институтының (хәзерге Санкт-Петербург дәүләт педиатрия медицина академиясе) гомуми хирургия кафедрасы мөдире; Ленинград шәһәренең баш хирургы (1964–1987).
Фәнни эшчәнлек өлкәсе: тумыштан килгән һәм алынган йөрәк һәм эре кан тамырлары кимчелекләрен дәвалау; күкрәк һәм абдоминаль хирургия; йөрәк хирургиясе.
200дән артык фәнни хезмәт, шул исәптән 9 монография авторы. 8 фән докторы һәм 27 фән кандидаты әзерли. Пирогов хирургия җәмгыятенең мактаулы вәкиле (1980 елдан), Санкт – Петербург шәһәренең хирурглар Ассоциациясе әгъзасы (1996 елдан), И. И. Греков исемендәге Хирургия хәбәрләре журналы редколлегиясе әгъзасы.
1-нче дәрәҗә Ватан сугышы, Кызыл Йолдыз орденнары белән бүләкләнгән.
