Национальная библиотека им. А. С. Пушкина Республики Мордовия

Беспалова Раиса Макаровна (1925–1993)

Якшамковонь 21-це чистэ топодевельть 100 иеть эр­зянь содавикс морыцянтень, Россиянь ды Мордовиянь на­родной артисткантень Беспалова Раиса Макаровнанень. Сон чачсь-кассь Ромодановань буень Курилова эрзянь велесэ. Школанзо прядомадо мейле сыргась Московов артисткакс тонавтнеме. Примамстонзо ансяк маризь вайгелензэ, сеске мерсть тензэ тонавтнемс морыцякс. Тонавтнесь Собинов лемсэ Саратова ошонь консерваториясо, косо се шкане панжозель мокшэрзянь оперной студия. Сонзэ прядомадо мейле 1952-це иестэ тонавтнемась поладозель консерваториянь программанть коряс.

Беспаловань вайгелезэ ульнесь мазый ды виев (меццо-сопрано), морамо парсте тонавтнемась панжсь тейтеренть икелев ки покш сцена лангс. Р. Беспаловань кадыксэлизь Саратовасо оперань теат- рас, но сон саизе мелензэ велявтомс эсенек тиринь Мордовияв.  Тесэ тейтересь лиссь мирдененень, истя жо морыцянтень, эсест велень цёрантень – Д. Еремеевнень. Сынь вейсэ важодсть морамонь ды киштемань «Умарина» ансамблясо, конань марто ютасть масторонь ламо ошка-велева, эрьва косо морсесть эсь раськень морот.

  Раиса Беспаловань вайгелесь, кода кортыть сонзэ шкинеманть вечкицятне, потмакстомо лисьмапря. Налксемеяк сон маштсь пек парсте. Зярдо Саранскойсэ одс панжовсь оперань театрась, Раиса Макаровна налксесь ламо а стувтовикс рольть. Васенце таркасо – Литовась, истя жо налксесь «Кармен» операсонть ветиця рольсэ.

Удалакшность тензэ опереттасо покш рольтнеяк.

Артисткась невтсь вейке омбоце ёнов пек а молиця ломанень обуцят, ды весе сынь кадовсть ванныцятнень превс-седейс. Кода кортасть, сонензэ весемеде малавикст ульнесть  кеме обуцянь, потмовиень ды  мазычинь кандыця аватне, ды сон сонськак истямоль.

Раиса Максимовна Беспа­лова казезель «Знак Почёта» орденсэ, кочказель СССР-нь Вер­ховной Советэнь депутатокс, Саран ошонь музы­кальной училищасо аравтозель сонзэ лемсэ стипендия. Раиса Максимовна тонавтсь ламо од морыцят, конатне поладызь сонзэ тевензэ седе тов.

#95летМордовии #95летМордовииВПушкинке