Краеведениянь кулят «Пингсь. Тефне. Ломаттне»: Иван Никитович Кудашкинонь шачема шистонза 90 кизонь топодематиМокшень содаф поэтсь Иван Никитович

Кудашкин шачсь Ельниковскяй райононь Мокшень Мазканя велеса, колхозниконь семьяса. Идькс пингоц ётась войнань стакадонга стака и войнада мельдень аф сяда тёждя кизотнень.

1967-це кнзоня аделазе Мордовскяй государственнай университетть филологическяй факультетонц, покодсь эсь велесонза клубонь заведующайкс, 1965‒1987-це кизотнень ‒ Ельниковскяй райононь «Трибуна колхозника» газетаса литературнай сотрудникокс, Мордовскяй телевидениянь и радиовещаниянь комитетса корреспондентокс, книжнай издательстваса редакторкс, 1988‒1998-це кизотнень ‒ «Мокшень правда» редакцияса литературань и искусствань отделонь заведующайкс.

Оцю васта мокшэрзянь литератураса занци Иван Кудашкинонь творчествац. Литературав кинц ушедозе 50-це кизотнень кучкаста. Васенце поэтическяй сборникоц ‒ «Китнень крайге келуфт» лиссь 1969-це кизоня. Тяда меле поэтсь нолдась кемоньда лама стихонь и поэмань сборник: «Кие колась удомаснон?» (1978), «Лихтибрятне шавихть пайкт» (1977), «…А Волгась шуди» (1982), «Болдинаса» (1982), «Бславамака, тядяй, кис» (1982) и лият. Мекольдень кизотнень кярьмодсь прозати. Васенце повестень и азксонь книгац «Шудинясь ‒ ляйнясь сятявня» лиссь 1990-це кизоня, омбоцесь ‒ «Ломанти эряви кельгома» 1996-це кизоня. Прозань жанрасовок И. Кудашкин ляткшни лирикокс.

И. Н. Кудашкин ‒ СССР-нь писателень Союзонь член (1983), Мордовиянь заслуженнай поэт (1993).