Татьяна Ивановна Панкратова-Лушкина (1921–2006)

26-це январьста топодсь 100 киза шачема шистонза сюреса сёрмады авати, педагогти, МАССР-нь культурань заслуженнай работникти Татьяна Ивановна Панкратова-Лушкинати. Сон шачсь Тамбовскяй губерниянь Спасскяй уездонь Салазгорь велеса. Нинге шабакс пингста кельгозе сюреса сёрмадомать и пингонь ётась арась совикс специалистос-профессионалкс.

1952-це кизоста сявомок покодсь Мордовскяй республиканскяй народнай творчествань Кудса сюреса сермадомань студияса. 1969-це кизоня – «Мордовские узоры» фабрикаса мастеркс. 1970–1980-це кизотнень пингста вятезе традиционннай сюреса сёрмадомать Сараснк ошень №1 идень художественнай школаса. Эсь работанзон эса машты кядь авась няфнезе мокшень узорть козя и мазы шинц. 1954-це кизоста сявомок Татьяна Ивановна эрь кизонь республиканскяй, сембероссиянь профессиональнай искусствань и народнай творчествань выставкатнень эса участник.

Тяниень пингть мзярошка картинанза ванфтовихть И. Д. Воронинонь лемса Мордовскяй республиканскяй объединненай краеведческяй и С. Д. Эрьзянь лемса изобразительнай искусствань музейхнень эса. Казьф лама эрь кодама казняса. Т. И. Панкратова-Лушкинать лама тиф работанза сувасть «Мордовское народное изобразительное искусство» альбомти.