Краеведениянь кулят «Пингсь. Тефне. Ломаттне» Виктор Миронович Макушкин (1940–2021)

Ученайсь, филологическяй наукань докторсь, педагогсь Виктор Миронович Макушкин шачсь 1940-це кизоня декабрь ковть 30-це шистонза Кадошкина аймаконь Пойвелеса. Университетонь филологическяй факультетть шумордамда меле лядсь тозк аспирантурав. 1966-це кизоня аралазе наукань кандидатонь диссертациянц, а 1985-це кизоня – докторскяенц.

Кандидатонь диссертацияц башка книгакс лиссь 1976-це кизоня, лемтьфоль – «Начало пути». 1984-це кизоня лиссь ученайть омбоце книгац – «Обретение зрелости»; эсонза кочкафт-сюлмафт ся арьсеманза, конатнень коряс кизода меле аралась докторскяй диссертация.

Ульсь преподаватель, сяда тов – деканонь заместитель, меле – университетса проректор, а 1992–2007-це кизотнень – пединститутонь ректор. 2008–2009-це кизотнень – литературань кафедраса заведующай М. Е. Евсевьевонь лемса педагогическяй институтса.

Ученайсь нолдась 100 лама статья, вузонди программат и тонафнема книгат.

Российскяй Федерациянь Образованиянь и наукань министерствась аф весть казендезе Почетнай грамотаса, Россиянь Президентть указонц коряс казьф Почётонь орденца. Виктор Миронович – Российскяй Федерациянь высшай профессиональнай образованиянь почетнай работник, Мордовия Республикань наукань заслуженнай деятель.