Краеведениянь кулят «Шкась. Тевтне. Ломантне»: Пётр Уварович Гайни (Поздяев) (1910–1968)

Таштамковонь 6-це чистэ топодевельть бу 115 иеть П. У. Гайнинень. Чачсь сон Нижегородской областень Лукояновань буень Салманбиё (Салдоманова) велесэ. Горьковской рабфаконть прядомадо мейле сась Мордовияв. Васня важодсь Кочкурвелесэ – «Якстере колхоз» райгазетасо, мейле тонавтсь эрзянь кель ды литература Кемлянь сельхозтехникумсо.

Ине Отечественной войнань шкасто ульнесь «Советский воин» фронтонь газетань спецкорокс, танково-десатной ротань командирэкс. Казезь Якстере Тештень ды Отечественной войнань I степенень ордентнэсэ. Кудов велявтсь инвалидэкс. Войнадо мейле важодсь Мордкизсэ, радиокомитетсэ, «Эзянь правда» газетань редакциясо.

Пётр Гайни нолдась вейксэ книга, ютксост «Уцяска», «Кочказь стихть», «Чачома мастор», «Морот ды стихть» поэзиянь пусмотне.

Кулось 1968-це иень ожоковонь 17-це чистэ. Калмазь Саранскойсэ.