Краеведениянь кулят «Пингсь. Тефне. Ломаттне»: Василий Данилович Ерёмкинонь 80 кизонцты

Прозаиксь, журналистсь, МР Государственнай премиянь лауреатсь (1998), МАССР-нь журналистонь Союзонь членць (1978), Россиянь журналистонь Союзонь членць (1963) и писателень Союзонь членць (1994) Ерёмкин Василий Данилович шачсь 1945-це кизонь 27-це августста Темников аймаконь Матвеева велеса крестьянонь семьяса, руз.

Мордовскяй госуниверситетть шумордамда меле покодсь литсотрудникокс «Молодой ленинец» и «Советская Мордовия» газетатнень эса, сяда тов – телевидениять и радиовещаниять коряс комитетса, а 1978-це кизоста сявомок работась МР-нь Правительствать аппаратса. 

Журналистонь союзу В. Ерёмкин примафоль одняста, а книганза кармасть лисендема, мзярда сон ни смузю, эзрай сёрмадыель. Шачем-касом вастоц сембе пингс лядсь седизонза. И сембе тяштьфоц − велень ломаттнень колга. Сёрмадсь азкст и очеркт: «Шуфттне касыхть оцюста» (1968), «Минь наследниктама» (1993) и лият, документальнай повесть «Лиендеме фкя менельса» (1976), повестень и азксонь сборник «Тяза кельме седице» («Не остуди сердце своё) (1989), «Рядом шептались колосья» (1981), «Оставь в наследство доброту» (1985), «Стряпухины» (1992), «Укрой, туман, усталого коня» (2004), коза сувасть повесть и азкст.

В. Д. Ерёмкинонь книганза библиотекань фондса занцихть башка васта и мушендсазь эсь лувиснон.