Евдокия Яковлевна Терёшкина (1945–2000)

Мокшень прозаиксь, МАССР-нь Культурань заслуженнай работниксь, СССР-нь печатень отличниксь, Мордовия Республикань Государственнай премиянь лауреатсь Евдокия Яковлевна Терёшкинась шачсь апрель ковонь 17-це шиня 1945-це Ковылкинскяй райононь Сомазляй велеса.

Мордовскяй университетть аделамда меле тонафнесь итть школаса, а 1971-це кизоня сявфоль покодема «Мокшень правдав». Ушедозе литсотрудниконь тевста, меле кассь отделонь вятикс. Сонцьке лама сёрмадсь. И аф аньцек статьят и корреспонденцият – художественнай азкстка.

Е. Терешкинась мокшень велеть эряфонц содазе аф киньге лиянь валста, сяс верондафтыста и азондсь колганза. Сон шнасыне тевонь кельги, виде вайме ломаттнень. Ламонц азксонза лемтьфт иттненди. Педагогонь содамошитне, мзярошка пинге школаса покодемась келептезь писательть ванфонц, лездсть шарьхкодемс шабань ёжмарямать.

«Мокшень правдаса», «Мокшеса» печатлавкшневсть азксонза. А 1985 кизоня лиссь азксонь васенце книгац – «Ольга тонафнесы эряфть». Омбоце – «Сай акша лишмоса» – книгац лиссь 1991 кизоня.

1995 кизоня прьмаф Россиянь писателень Союзу.

Кулось декабрь ковонь 17-це шистонза 2000 кизоня.