Михаил Николаевич Гернет – правань историк, юрист-криминалист, юридическяй наукань доктор, РСФСР-нь наукань заслуженнай деятель.
Сон шачсь 1874 кизоня Ардатов ошса, аделазе Москувонь университетть юридическяй факультетонц, сяда тов покодсь уголовнай правань кафедраса.
Михаил Николаевичень кядь алда лиссь лама сёрматфкс: 350 лама научнай работада, «Оцязоронь тюрьмать историяц» 5-томса монография (коса пачфневихть документт, статистическяй и мемуарнай материалхт ревлюцияда ингольдень Россиянь тюрьматнень колга).
Васенцеда 2 томть инкса авторти максф 1-це Сталинскяй премиясь. М. Н. Гернет казьф Трудовой Якстерь Знамянь орденца.
