Майнь 26-це шистонза топоди 75 киза актерти, МАССР-нь заслуженнай артистти Виктор Николаевич Гудожниковонди.
Сон шачсь 26-це майста 1949 кизоня Зубово-Полянскяй аймаконь Сире Байдеку велеса, крестьянонь семьяса. 1965-це кизоня сон васенцеда шятясь театральнай сценать лангс. Эста сон ушедсь тонафнема искусствати Мордовиянь рузонь драматическяй театрать видеса театральнай студияса.
1985-це кизоста сявомок налхксесь рольхт рузонь и омба масторонь классическяй драматуркнень пьесаснон коряс путф лама спектакльса. Сембе тя тейнза лездсь, мзярда сон ушеткшнесь покодема Национальнай театраса. Актерсь покодсь виень апак ужяльть. Сонь ульсь оцю мялец налхкомс А. Чеховонь, Шекспиронь и лия генихнень персонажснон. И няфтемс синь мяльснон-арьсемаснон, а тяфтя жа ваймоснон-налхкомок синь мокшень или эрзянь кяльса.
1990 кизоста сявомок 2023 кизоти молемс В. Н. Гуджников покодсь мокшэрзянь национальнай театраса, конань сценанц лангса налхксесь комедийнай рольхнень эса. Няфтсь аф фкя лацонь обраст К. Абрамовонь, К. Петровать, Г. Меркушкинонь, А. Пудинонь, В. Мишанинать пьесаснон эса, коса няфтезе прянц крхка психологическяй актёркс.
Спектаклень ваныхненди мяляфтовихть аф фкя лацонь обрасне, конатнень налхкозень В. Н. Гудожников телевизионнай спектакльса «Сияжар» программать серийнай передачанзон эса.
