Таштамковонь 24-це чистэ тешксты юбилеензэ Мордовия Республикань заслуженной учителесь, общественной деятелесь Иван Иванович Карпов. Сонзэ эрямозо, ловт, весе сюлмавозь школанть марто.
Таштамковонь 24-це чистэ тешксты юбилеензэ Мордовия Республикань заслуженной учителесь, общественной деятелесь Иван Иванович Карпов. Сонзэ эрямозо, ловт, весе сюлмавозь школанть марто.
Иван Карпов чачсь 1948-це иестэ Чуваж Масторонь Алатырь буень Ворошилова эрзянь велесэ. Атрать велень средней школанть прядомадо мейле тонавтнесь М. Е. Евсевьев лемсэ эрзямокшонь пединститутонь физматсо. Сонзэ прядомадо мейле важодсь васня Ковылкина буень Якстере Пресня велень, мейле Ковылкина ошонь 2-це ды 4-це школань директорокс.
21 иеть И. И. Карпов ульнесь Мордовия Республикань тонавтома министрань полавтыця. Пек ламо тейсь тонавтомань тевтнесэ кода эсенек Мордовиясо, истя сонзэ томбале аштиця эрзянь ды мокшонь велень школатнева. Раськень тонавтома тевтне зярдояк эзть ульне шождынекс, тень сон содылизе лиядо седе парсте.
Иван Иванович важодсь эрзянь ды мокшонь раськень регионъютконь исполкомсо, «Чилисема» журналонь редколлегиясо, ульнесь Мордовия Республикань казнень максомань коряс комиссиянь членэкс, косо паро важодицятнень кисэ кайсесь валт.
Арсетяно Иван Ивановичнэнь кувака эрямо, паро ёжо, шумбрачи ды уцяска!